Diwar ma fenn – À propos de

Deuet on er bed nepell diouzh Pariz. E-pad pell on bet o chom e departamant Yonne. Eno eo e tifraostis an hent a dleje ma c’has betek Breizh. Dre ar c’hoarioù-roll da gentañ, dre ar sonerezh ivez: Stivell, Tri Yann, Malicorne… Ha dre al lennegezh gant oberennoù Chrétien de Troyes ha Béroul. Dre zegouezh ivez, goude ma ne gredan ket e c’hoarvezfe an traoù dre zegouezh, em boa gouezet e c’halled deskiñ brezhoneg e Skol-Veur Roazhon 2. Paket ar malizennoù ha dao da Roazhon!

Abaoe em eus pleustret gant ar skrivañ. Embannet pennadoù, barzhonegoù ha berrdanevelloù ganin e meur a gelaouenn: Al Liamm, Al Lanv, Bremañ, Gripi.

Tad on da zaou vugel bev-buhezek ha klask a ran o desevel e brezhoneg.

—–

Né en région parisienne, j’ai longtemps vécu dans l’Yonne. C’est là que mes pas ont pris le chemin de la Bretagne, d’abord par le biais des jeux de rôle, de la littérature (Chrétien de Troyes, Béroul…) et de la musique : Alan Stivell, Tri Yann, Malicorne… C’est par hasard (?) que j’ai découvert la possibilité d’apprendre le breton à l’Université de Rennes 2. Sans la moindre hésitation j’ai fait mes valises pour Rennes !

Depuis je n’ai de cesse d’écrire en breton. J’ai publié des articles, poèmes, nouvelles dans diverses revues: Al Liamm, Al Lanv, Bremañ, Gripi.

Je suis également papa de deux enfants plein de vie que j’essaie d’élever en breton.